كل اللي معاه أو معاها عربية، وفي عز الحر ده وفي الصيام يتخيّل كمّ الدعوات اللي هياخدها لو وصّل حد في سكته؛ يعني إنت عارف إن زميلك في الشغل مروّح في نفس طريقك خده معاك، أو لو عدّيت على محطة أتوبيس ولقيت واحد بيسأل تاكسي وصّلني للمنطقة الفلانية، ولقيت التاكسي متآلط عليه أوي وبيتشرّط إنه مابيروحش هناك إلا بمبلغ وقدره، وتكون إنت رايح هناك؛ اعرضْ عليه إنك تاخده في سكتك، وترحمه مِن ألاطة السوّاق.. تخيّل هتكسب ثواب قد إيه.. طبعا مش محتاجة أقول إن الولد مايعزمش على بنت وإن البنت ماتعزمش بكده على ولد، يعني خلّينا في السليم.. وكل سنة وأنتم طيبين.
ها.. مش ناوي تجرّب؟