دورة اشهار المواقع seo وتهيئة موقعك لمحركات البحث وجلب الاف الزوار  Atrk

الرئيسيةالتسجيلدخول

أهلا وسهلا بك إلى منتديات عرب مسلم
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

كل يوم معلومة مفيدة

يرجى وضع اعلانات المواقع والإعلانات التجارية في القسم المخصص لها من هنا منعاً للحذف


منتديات عرب مسلم :: منتدى تطوير المواقع والمنتديات :: قسم تطوير المواقع

شاطر

 دورة اشهار المواقع seo وتهيئة موقعك لمحركات البحث وجلب الاف الزوار  Emptyالخميس 18 مايو 2017, 1:45 pm
رقم المشاركة : ( 1 )
عضو متألق
عضو متألق

عسولة

البيانات الشخصية

تاريخ التسجيل : 15/05/2017
الجنس : انثى
المشاركات : 1424
التقييم التقييم : 1
https://mothaqf.yoo7.com
مُساهمةموضوع: دورة اشهار المواقع seo وتهيئة موقعك لمحركات البحث وجلب الاف الزوار






اقتباس :
دورتي المتواضعة في اشهار المواقع seo تهيئة موقعك بمحركات البحث وجلب الاف الزوار



[size=32]بسم الله الرحمن الرحيم[/size]

السلام عليكم ورحمة الله وبركاته .. احبائي اعضائي





اليوم بمشيئة الله تعالي هقدملكم موضوع من اضخم الموضوعات عن تهيئة موقعك عبر محركات البحث باذن الله تعالي وجلب الاف الزوار





قبل البداية احب اقول ان نتيجة الشغل اللي هطبقة في الموضوع ده مش هتظهر قبل شهر علي الاقل .. يعني تقدر تحكم علي النتيجة بعد شهر من دلوقتي لو كنت مطبق كل حاجة صح فمتتخيلش ابدا ان الزوار هينزلوا عليك زي الرز من يوم وليله .. وتقدر تتابع تريبك في اليكسا و عدد الصفحات اللي ارشفتها جووجل وتقدر تحدد انت بتتقدم ولا زي مانت





ومعلش هتلاقوني برغي كتير لاني شارح بالتفصيل الممل لان الشرح ده موجه للمبتدئين اكتر .. ده غير اني بادئ من الصفر يعني للي هما لسه عاملين موقع جديد طازة واي كلام يسبقة علامة "-" ده بتبقي الاسئلة اللي انا بتوقعها واللي ممكن تيجي في بالكم اثناء الشرح ..

وده فهرس الموضوع باذن الله ..




1 ) اسرار تسجيل موقعك في جووجل ومحركات البحث الاخري في اقل من 24 ساعة

2 ) عمل السايت ماب لموقعك

3 ) انشاء ملف الروبتس (robots.txt).. وماهي عناكب البحث ؟؟

4 ) نبذه عن عن نظام عمل اليكسا وكيف يحسب ترتيب المواقع

5 ) كيفية عمل تولبار بأسم موقعك في اليكسا وتقديمه الي زوارك

6 )نبذه عن فكرة البيج رانك لجووجل و نظام عملها كيفية رفع هذا البيج رانك

7 ) اهمية عنوان الموقع و وصف الموقع والكلمات المفتاحية

8 ) بعض العمليات المهمة لاصحاب المنتديات

9 ) نصائح عامة مهمة جدا طبقها

10 ) اكثر من 3 الاف دليل موقع لاضافة موقعك بهم مع مثال لاضافة موقعك بواحد منهم





نبدأ الدرس الاول علي مشيئة الله ...


1 ) اسرار تسجيل موقعك في جووجل في اقل من 24 ساعة




طبعا اول شئ تفكر فيه وانت بتصمم موقعك هو الزوار .. ازاي اقدر اجيب الزوار .. ممكن تبدي تفكر في الاعلانات المدفوعة .. ممكن ليه لأ

ممكن تبتدي تشهره لاصحابك وقرايبك ... ممكن طبعا

بس مش دول كل حاجة .. حوار الاعلانات المدفوعة رغم انه مكلف لكن نتايجة برضه مش قد كده .. بمعني ان الزوار اللي بيزوروا موقعك نصهم تقريبا زوار غير مستهدفين


ونفس الحكاية لما تنشرة بين اصحابك وقرايبك .. ناس كتير متعرفش من الاصل ايه المنتدي ده وناس تانية تري المنتدي مجرد لعبه وتالتين يعملوا مشاركات مجامة عشانك .. هتلاقي منهم شغل بس برضه مش المطلوب


- امال ايه بقي يا عم الحج قارفنا ليه بكلامك ده ..


بص يا باشا دلوقتي طبعا مين مبيخشش علي جووجل كل يوم ..
وكام عمليه بحث بتعملها ؟؟


فعليك ان تتأكد افضل زوارك هم من محركات الحث .. لانهم الزوار المستهدفين
يعني لما يجي العضو بنفسه يتعب نفسه ويعمل بحث في جووجل ويلاقي موقعك ويخش عليه و يلاقي الحاجة اللي بيدور عليها واللي عملها البحث .. اظنه افضل من احنا نرغمة علي الدخول بالبانرات والاعلانات الدعائية وغيره .. ده غير ان العضو ده هيجيلك تاني بعد ما لقي الحاجة اللي عايزها في الاول


فبالتالي هدفك الاول لتجميع الزوار هو محركات البحث .. خلاص اتفقنا ؟؟


- ياعم اتفقنا ده انت رغاي اوي خلصنا بقي


طيب طيب حيلك عليا هنخش اهو في الموضوع



اي واحد صاحب موقع جديد واقتنع بفكره محركات البحث هيبتدي او حاجة يفكر ازاي يحط موقعه علي جووجل ويتمني انه يتحط باسرع سرعة


- برضه هيقرفنا تاني برغيه ده


انا هقولك ازاي تحطه في اقل من 24 ساعة .. وانت و مجهودك برضه ..




قبل اي حاجة نصيحة مهمة جدا ..

لا تستخدم ابدا رابط اضافة موقعك في جووجل ابدا اللي هو :

http%3A%2F%2Fwww.google.com%2Faddurl.html]www.google.com/addurl.html


طبعا واحد هيسألني ويقولي لييه ؟؟


- اه ليه والنبي يا اونكل


في مرة جربت احط موقعي من هذا الرابط .. لا تتصورا كم انتظرت حتي وجدت موقعي علي جووجل اول مرة .. ياه حوالي 3 او 4 شهور

- يا ساتر ايه ياعم ده

فعلا ده اللي حصل معايا وحصل مع كل الناس وممكن توصل المدة كمان لستة اشهر

- طيب ايه الحل بقي ؟


الحل بسيط جدا .. هل سمعت ولو نبذة بسيطة عن جووجل بيج رانك ؟؟




- اه يعني .. بس ليه ؟؟


بص يا معلم دلوقتي سر وضع موقعك في اقل من 24 ساعة علي جووجل وغيره من محركات البحث الاخري في البيج رانك هذا .. فوضعك لرابط او وصلة لموقعك في اي موقع ذو بيج رانك اعلي من 5 او حتي 4 يجعل موقعك موجود في جووجل في اقل من 24 ساعة قد تزيد قليلا ..


- حيلك حيلك انا مش فاهم منك اي حاجة ..


الحوار بسيط جدا .. الاول نحمل التولبار بتاع جووجل اللي نقدر نعرف بيه البيج رانك لاي موقع





http://toolbar.google.com


 دورة اشهار المواقع seo وتهيئة موقعك لمحركات البحث وجلب الاف الزوار  Wol_errorإضغط هنا لمشاهدة الصورة المصغرة.
 دورة اشهار المواقع seo وتهيئة موقعك لمحركات البحث وجلب الاف الزوار  Wol_errorأضغط هنا لتكبير الصورة , مقاس الصورة الأصلي 753x429 وحجمها 45KB.
 دورة اشهار المواقع seo وتهيئة موقعك لمحركات البحث وجلب الاف الزوار  KVf35391


وخلي بالك اهم حاجة هيظهرلك صفحة الـ setup للتولبار بعد التحميل وهيكون في خيار اسمه تمكين الـ page rank لازم تضع امامه علامه عشان نقدر نحدد اي بيج رانك لاي موقع

وبعد التحميل التولبار بتاع جووجل هيبقي بالشكل ده




 دورة اشهار المواقع seo وتهيئة موقعك لمحركات البحث وجلب الاف الزوار  Wol_errorهذه الصورة تم تصغيرها تلقائيا . إضغط هنا لمشاهدة الصورة بحجمها الطبيعى 702x27 and weights 6KB.

 دورة اشهار المواقع seo وتهيئة موقعك لمحركات البحث وجلب الاف الزوار  Wol_errorأضغط هنا لتكبير الصورة , مقاس الصورة الأصلي 702x27 وحجمها 6KB.
 دورة اشهار المواقع seo وتهيئة موقعك لمحركات البحث وجلب الاف الزوار  9jB35445



- جميل نزلت التولبار بس انا مجرد بسمع عن البيج رانك ده يعني ايه هو اصلا ؟؟


بص مش لازم تفهم معناه دلوقتي ادام هعرفك كل حاجة بالظبط ان شاء الله .. المهم دلوقتي انك بس تعرف تحدد البيج رانك بتاع اي موقع .. وده سهل خالص


مثلا نفتح موقع زي الفيس بوك

http%3A%2F%2Fwww.facebook.com]www.facebook.com

ولما نفتح الموقع بص الصورة اللي جاية كده



 دورة اشهار المواقع seo وتهيئة موقعك لمحركات البحث وجلب الاف الزوار  Wol_errorإضغط هنا لمشاهدة الصورة المصغرة.
 دورة اشهار المواقع seo وتهيئة موقعك لمحركات البحث وجلب الاف الزوار  Wol_errorأضغط هنا لتكبير الصورة , مقاس الصورة الأصلي 703x631 وحجمها 76KB.
 دورة اشهار المواقع seo وتهيئة موقعك لمحركات البحث وجلب الاف الزوار  MQM35497



زي ما شفت البيج رانك الخاص بالفيس بوك هو = 9


يعني البيج رانك موجودة في الحته الخضرا اللي عند الشريط وبمجرد انك تجيب عليها الماوس يعرفك الموقع ده بيج رانك كام ..


( ملاحظة : للحصول علي بيج رانك 9 اشبه بالخيال .. انا مش بهبط من معنوياتك لكن صعب جدا الحصول علي هذا البيج رانك .. )


ملاحظة اخري : هناك طريقة اسهل لمعرفة بيج رانك اي موقع عن طريق الدخول لهذا الموقع

http://www.prchecker.info/check_page_rank.php

وكتابة الموقع اللي عايز تعرف عنه البيج رانك





- جميل برضه .. استفادنا ايه بقي علي كده ؟؟


هعيد تاني واقول بكل هدوء .. دلوقتي انت عرفت تحدد بيج رانك اي موقع .. طيب انت لو جيت دخلت علي موقع البيج رانك بتاعه اعلي من 4 مثلا وجيت حطيت اللينك بتاعك في اي حته في الموقع ده .. كده تبقي انت ضمنت ان شاء الله موقعك يبقي موجود علي صفحات جووجل في اقل من 3 ايام بالكتير


- انت مش قلت 24 ساعة يا عم انت ؟؟


قلت طبعا بس انت وشطارتك


- ازاي يعني ؟؟


يعني دلوقتي اللي حط اللينك بتاعه في موقع البيج رانك بتاعه 6 هيظهر قبل اللي حطه في بيج رانك 5 وهكذا وكلما زادت عدد اللينكات في المواقع المختلفة كلما زادت سرعة وضع جووجل لموقعك علي صفحاتها ده غير ان ليها فوائد كتير تانية هتعرفها ادام ان شاء الله


- جميل دلوقتي انا فهمتك بس ازاي بقي هحط لينك الموقع في اي من المواقع دي ؟؟


الموضوع مش الصعب .. تعالا معايا وهوريك خطوة خطوة ازاي تقدر تحط لينك موقعك في موقع ليه بيج رانك 4 مثلا


- واديني معاك اهو


دلوقتي احسن المواقع اللي تقدر تذييل فيها اسم موقعك والرابط بتاع هي مواقع الـ Tutorials الاجنبية ودي بتبقي مواقع فيها شروحات عن كل حاجة وكل البرامج والجرافيكس .. الخ
طب تعالا بقي نفتح جووجل


http%3A%2F%2Fwww.google.com]www.google.com

ونكتب مثلا php tutorials

هتظهرلك نتائج البحث .. انا اخترت الموقع ده علي سبيل المثال وليس الحصر
http://www.goodphptutorials.com

ودي صورته



 دورة اشهار المواقع seo وتهيئة موقعك لمحركات البحث وجلب الاف الزوار  Wol_errorهذه الصورة تم تصغيرها تلقائيا . إضغط هنا لمشاهدة الصورة بحجمها الطبيعى 747x363 and weights 61KB.
 دورة اشهار المواقع seo وتهيئة موقعك لمحركات البحث وجلب الاف الزوار  Wol_errorأضغط هنا لتكبير الصورة , مقاس الصورة الأصلي 747x363 وحجمها 61KB.
 دورة اشهار المواقع seo وتهيئة موقعك لمحركات البحث وجلب الاف الزوار  Cwr38204



ولو شفت البيج رانك بتاعه من جووجل تولبار هتلاقيه 4

طيب دلوقتي تعالا بمنتهي السهولة وخش علي اي درس تلاقيه






 دورة اشهار المواقع seo وتهيئة موقعك لمحركات البحث وجلب الاف الزوار  Wol_errorأضغط هنا لتكبير الصورة , مقاس الصورة الأصلي 665x211 وحجمها 23KB.
 دورة اشهار المواقع seo وتهيئة موقعك لمحركات البحث وجلب الاف الزوار  Xga38259


افتح الدرس اتفرج عليه وانزل تحت خالص هتلاقي Add Your Comment مجرد هتكتب اسمك وهنا متكتبش اسمك فعلا .. اكتب اسم موقعك ... مثال : 3arablink
اما بالنسبة للرابط فطبعا هتكتب رابط الموقع بتاعك .. وفي ال comment بتاعك تكتب اي كلمتين حلوين وتحط معاهم برضه لينك موقعك زي كده مثلا


this is wonderful tutorial .. i read it 3 times and get a fantastic results and sure i put a
copy of this lesson on my site here


www.3arablink.com


- بس انا لا قريت الموضوع ولا اعرف بيتكلم عن ايه ؟؟


مانت بقي خليك واد صايع كده عشان يبقي الكلام جميل ... و خليك ذكي متكتبش رابط موقعك بس من غير اي كلام لانهم ممكن يمسحوا الرابط اللي انت حطيته ويعتبروا مشاركتك دي سبام
ودي صورة توضح كل حاجة ومكان المشاركة وتكتب ايه بالظبط تاني







 دورة اشهار المواقع seo وتهيئة موقعك لمحركات البحث وجلب الاف الزوار  24B38296



تمام كده يا معلم




- اه تمام


وللعلم ده برضه موقع للـ tutorials وده الموقع اللي انا اضفت فيه موقعي واللي ظهر في 3 ايام علي الرغم من انه بيج رانك 2 فقط
http://netcades.com

ومش هديلك الموقع وبس .. تعالا اوريك برضه بشكل مبسط اضافة موقعك فيه



 دورة اشهار المواقع seo وتهيئة موقعك لمحركات البحث وجلب الاف الزوار  Hk205027


 دورة اشهار المواقع seo وتهيئة موقعك لمحركات البحث وجلب الاف الزوار  FtC05059


يارب تكونوا فهمتوا قصدي



ومتسناش برضه دلائل المواقع المنتشرة .. ليها اهمية كبيرة جدا جدا .. حاول تحط موقعك في اكبر قدر من الدلائل


ملاحظة : اذهب الي الدرس الاخير لتحميل روابط لدلائل موقع تضف بهم موقعك


وللعلم ان المواقع الاجنبية دايما ليها الاسبقية في اي شيء .. يعني لو موقعك اجنبي هيظهر اسرع بالتأكيد


دلوقتي متقفش عند كده .. لأ خش علي اكبر قدر من المواقع والدلائل البيج رانك بتاعها اعلي من 4 او حتي اعلي من 3 او انشاء الله 2 واعمل نفس الحركة اللي عملناها بأنك برضه تعمل بحث زي ماعلمنا وتاخد اي موقع غير اللي عملناه .. ومتعملش كل اللينكات بتاعتك في موقع واحد ابدا .. ممكن الموقع ده يكون بيمنع وضع وصلات لمواقع اخري في اي تعليق وبيعتبره سبام .. خليهم في مواقع كتيرة .. فاضافة موقعك في المواقع دي اولا هيخلي الموقع زي ما قلنا ينزل في جووجل بسرعة مش هتعدي ابدا ال 3 ايام باذن الله .. ثانيا ده بيعلي البيج رانك بتاعك انت اصلا والبيج رانك ده حاجة مهمة جدا في تقييم المواقع وزي ما قولتلك هتعرف كل حاجة عنها بالتفصيل في الدروس الجاية ان شاء الله


الحمد لله كده نبقي انتهينا من الدرس الاول حبايبي ..






الموضوع الأصلي : دورة اشهار المواقع seo وتهيئة موقعك لمحركات البحث وجلب الاف الزوار // المصدر : منتديات عرب مسلم


توقيع : عسولة




 دورة اشهار المواقع seo وتهيئة موقعك لمحركات البحث وجلب الاف الزوار  Emptyالإثنين 04 سبتمبر 2017, 6:32 pm
رقم المشاركة : ( 2 )
عضو جديد
عضو جديد

walis

البيانات الشخصية

تاريخ التسجيل : 04/09/2017
الجنس : ذكر
المشاركات : 1
التقييم التقييم : 0
مُساهمةموضوع: رد: دورة اشهار المواقع seo وتهيئة موقعك لمحركات البحث وجلب الاف الزوار






شكرا لك عزيزي على مجهووودك الرائع، واصل ومرحبا بكم في


http://al3abwar1.blogspot.com/





الموضوع الأصلي : دورة اشهار المواقع seo وتهيئة موقعك لمحركات البحث وجلب الاف الزوار // المصدر : منتديات عرب مسلم


توقيع : walis





الــرد الســـريـع
..





تم الكشف عن مانع الإعلانات

يرجى تعطيل مانع الإعلانات لديكم لمشاهده هذه الصفحة ، العائد من الإعلانات يساعدنا في تطوير الموقع ، وشكراً لكم على الدعم ❤️








جميع الحقوق محفوظة © 2021 منتديات عرب مسلم

https://arab-muslim.ahlamontada.net



Top