قال الله تعالى :
{ لَوْ أَنزَلْنَا هَذَا الْقُرْآنَ عَلَى جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّهِ وَتِلْكَ الأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ }
""""""""""""""""""""""""""""""""""
{ أَفَلا يَتَدَبَّرُونَ الْقُرْآنَ أَمْ عَلَى قُلُوبٍ أَقْفَالُهَا }
قرأت الآيتين ..؟؟
طيب إقرأهم تاني بتركيــــــز ..
وخلينا نعمل بينهم مقارنة بسيطة
** جــــــــبــــــــل ..
يسمع آيات ربنا .. يتصدع .. يتزلزل .. يتدمر ويقع ..
ليـــــــــــه ؟؟
- من خـــــــــــــــــــــــشية الله ..
"""""""""""""""""""""""""""""""""""""""""""""""
إنســــــان
يسمع ويقرأ ويحفظ آيات ربنا .. وتلاقيه كـــل سنة مرة لما يتدبر آية واحدة ..
أو يركز في معنى في آية .. أو يخشع أو يدمّــع ؟!!
وغالباً المرة دي بتكون كل رمضان بس ومبتتكررش كتير ...!
وتمـر عليه :
آيــات الموت >> عــادي
آيات العذاب >> عــادي
آيات الرحمة .. آيات الخوف .. آيات الرجاء >> بردو عــادي
ليــــــه القسوة دي ...؟؟
- عَلَى قُلُـــــــ ـــــــوبٍ أَقْفَـــــــالُهَا
ياااااه .. أقفال .. يعني مش قفل واحد
ياااالله .. بقى الجبل يتصدع من خشية الله ..
والإنسان قلبــــ ــــه غــــافل .. مشغوول .. مقفول
خارج نطاق التدبر!!!
"""""""""""""""""""""""""""""""""""""""""""""""""""
للدرجة دي يا جماعة قلوبــــــ ــــنا بقت أشد وأقسى من الجبل .. ؟؟!
مش آن الأوآن بقى نفك الأقفال دي ..
مش آن الأوان بقى نحرر قلوبنـــــــ ــــــا من القيود ..
ونخشع بجد لما نقرأالقرآن
نخشع لما نقرأ آيات العذاب وندعي ربنا يعافينا منها
نخشع لما نقرأ آيات النعيم في الجنة وندعي ربنا نكون من أهلها
نخشع من شوقنا لرؤية وجه ربنا - سبحانه وتعالى -
قال الله تعالى :
{ أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ
وَلا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الأَمَدُفَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ }
""""""""""""""""""""""""""""""""""""""""""""""""
يلا عايزين نساعد بعض على فك الأقفال دي
عايزين نتفق على حاجة نعملها سوا
كل واحد مننا لما يكون بيقرأ أو بيسمع القرآن .. يخلي جنبه كراسة ..
وأي آية أثرت فيه أو خلته يبكي بصدق أو إستشعر فيها معنى جميل ..
أو قرأ تفسيرها وفهمها كويس فتأثر بيها ..
يكتبها في الكراسة ويكتب خاطرته حول الآية دي ..
إيه الي خلاه يتأثر بيها ..!
وحس بإيه لما قرأها ..!
وبعدها ييجي يكتب الآية والخواطر هنا في الموضوع ده ..
لعله يكون سبب في إن قلب غيره يرق ويتأثر ..
والله يا جماعة لما الواحد يشوف ناس بتدبر القرآن وبتبكي بصدق لما يقراه بتشتااااق إنها تدبر كده
ويغير يقول ليه أنا مش كده !
ويبدأ يقرأ القرآن بإحساس مختلف وبطمأنينة وسكون ..
ولعله يكون في ميزان حسناتنا بإذن الله ..
"""""""""""""""""""""""""""""""""""""""""""""""""
ومش عايزين الموضوع ده يلاقي نفس مصير المواضيع التانية
عايزين يبقى فيه تفاعل من جميع الاعضاء
عايزين الموضوع ده يبقى مرجع لينا لما نحتاج نرقق قلوبنا ونحس بالتدبر
ندخل نلاقي آيات وخواطر كتير ترقق قلوبنا .. وهنلاقي نفسنا بنقول
كأني أول مرة أقرأ الآية دي ..
مكنتش أعرف معنى الآية دي قبل كده !
إزاي محسيتش بالإحساس ده !
وتبدأ الغيرة الإيجابية :) ..
والتنافس فيه التدبر والخشوع
وهيكون شعارنا بإذن الله
"""""""""""""""""""""""""""""""""""""
••• إستوقفني كلامُ ربي •••
و متنسوش ..
{ اعْلَمُوا أَنَّ اللَّهَ يُحْيِي الأَرْضَ بَعْدَ مَوْتِهَا قَدْ بَيَّنَّا لَكُمُ الآيَاتِ لَعَلَّكُمْ تَعْقِلُونَ }
اللهم إجعل القرآن ربيع قلوبنـــــ ــــــا ونور صدورنا وجلاء أحزاننا وذهاب همومنا
اللهم آآآآآمين
منتديات عرب مسلم | منتديات العرب | منتديات مثقف دوت كوم | منتدى برامج نت | منتدى فتكات | منتدى عرب مسلم | منتديات برامج نت | منتدى المشاغب | إعلانات مبوبة مجانية | اعلانات مبوبة مجانية | إعلانات مجانية |اعلانات مجانية | القرآن الكريم | القرآن الكريم | المكتبة الصوتية للقرآن الكريم | القرآن الكريم Mp3 | موسوعة القرآن الكريم | الموسوعة القرآنية | ترجمة معاني القرآن الكريم | تبادل إعلاني مجاني